உன் மனதை காட்டி ...

என் கண்கள் உன்னை பார்க்கும்
நீ உன் மனதை காட்டி
என் மனதில் பதிந்து  போகிறாய்
நீ மட்டுமே என் நெஞ்சில் உறங்கினாலும்
என் தூக்கத்திலும் வந்து வசியப்படுத்துகிறாய்...
என் மனைவி இருக்கும் போதும்
என்மீது உறங்கும் உரிமை உனக்கு கொடுக்கப்பட்டுள்ளது...
அவள் உன் மீது என்றும் பொறாமை பட்டது கிடையாது ....
நீ அதிகநேரம் என் மீது உறங்கினால்
கசங்கி விடுவாய் என்று ...
அவளே உன்னை பாதுகாப்பாய் பார்த்துக் கொள்கிறாள்  ....
என் குழந்தைகளும் என்னுடன் நீ உறவாடுவதை பார்த்து
உன்னுடன் உறவு கொள்ளத் துடிக்கின்றன...
நான் இல்லாத சமயங்களில் நீ ...
அவர்களுக்கும் துணையாக இருக்கிறாய் .!
என் மனைவி, என் குழந்தைகள்
என் தாய் , தந்தை
என் உற்றார் , உறவினர்
என அனைவரும் உன்னுடன் பேசி சிரிக்கின்றனர்,  வியக்கின்றனர்.
என்னையும் உன்னால் பாராட்டுகின்றனர். ..!
மரங்களை அழித்தது பிறந்தாய் என்பதை தவிர்த்து
வேறு குறை இல்லை ..!