கவிதை கூறும் புகைப்படம்

மீட்டு எடுத்த பால்யம்
*
தெருவில் சிறுவர்கள் விளையாடும்
கிரிக்கெட்டை வேடிக்கை
பார்த்து கொண்டிருந்தேன்
ஓங்கி அடித்த பந்து உருண்டு
என்னருகில் வந்தது
எடுத்து கொடுத்த பந்துடன் நானும்
விளையாட்டில் இணைந்து கொண்டேன்
வேகமாக ஓடிச்சென்று வீசியப் பந்தை
மட்டைப்பிடிப்பவன் மட்டையை சுழற்றி அடிக்க
என்னை நோக்கி திரும்பிய பந்து
பால்யத்தையும் திருப்பி கொண்டு வந்திருந்தது!

மதுரை சரவணன்.