கவிதை வரவில்லை பொறுத்துக்கொள்ளுங்கள்

ஞாயிறு வந்த பின் எழும் நாள்

எச்சில் ஒழுக

தலையனையைக் கட்டிப் பிடித்து

உலகமே மறந்து உறங்கும் நாள்

குட்மார்னிங் சார்…

அந்த வகுப்பு டீச்சர் வரலை…!

பஸ் ரிப்பேர்..?!

சார் அடிக்கிறார்…!

என புகார்களுக்கு இடமளிக்காத

ஞாயிறு

என்னை சுற்றி புத்தகங்கள் வட்டமிட்டு

என்னை விழிக்கச் செய்கின்றன

எழும்ப மறுக்கிறேன்…

மாணவர்களை பார்க்காத

கற்பித்தல் பணி நடக்காத

இந்தநாளும் ஒரு நாளா

இன்றைக்கு

நான் ஏமாற்றப் பட்ட நாள்

மன்னிக்கவும்

கவிதை வரவில்லை

பொறுத்துக் கொள்ளுங்கள்.