பெற்ற மனம்

பள்ளி சேர்த்த நாள்முதலே
கேட்டதை வாங்கி கொடுக்கிறேன்
கிழித்து பாழாக்கினாலும்
புது நோட்டு தந்து மகிழ்ந்தேன்
பாட்டியிடம் கதைக் கேட்டு
பரிசு பெற்றதைப் பலரிடம்
காட்டி மகிழ்ந்தேன்
இசை பள்ளியில் சேர்ந்து
பாடிய முதல் பாட்டு
பதிந்து வைத்து இன்றும்
கேட்டு மிகிழ்கிறேன்
கபடி விளையாட
கால் சட்டை எடுத்து கொடுத்து
கால் கடுக்க பார்த்து மகிழ்ந்தேன்
விளையாட்டாய் நாள் கடக்க
இப்போது
வளர்ந்து விட்டான்
தற்காப்பு கலை பயில
தானாக சென்றான்
இன்று
ஆண்டு விழாவாம்
சென்றேன்....
ஓடு உடைத்தான்
ஒவ்வொரு முறை
ஓடு உடையும் போதும்
என் மனமும் உடைந்தது
கை என்னவாகி விடுமோவென்று.....!